Çin Dövlət Müdafiə Elm, Texnologiya və Sənaye İdarəsi aerokosmik mühəndislik, beynəlxalq əməkdaşlıq və asteroidlərin aşkarlanması sahəsində təcrübəyə malik gənc və həvəsli mütəxəssislər üçün işə qəbul elan edib.
Bu barədə RG nəşri yazır.
Yeni heyət 2032-ci ildə baş verə biləcək 2024 YR4 asteroidinin Yerlə toqquşma ehtimalını öyrənəcək.
İndiyədək toqquşma ehtimalı 2,2% qiymətləndirilir, lakin alimlər onun artdığını qeyd ediblər – son vaxtlara qədər bu rəqəm 1,3% idi.
“Planetar müdafiə qüvvələri”nə namizədlərin yaşı 35-dən aşağı, lazımi peşə və texniki keyfiyyətlərə, habelə “möhkəm siyasi mövqeyə” malik olmalıdırlar. Onların öhdəliklərinə kosmik sektorda beynəlxalq əməkdaşlıq, həmçinin asteroid təhlükələrinin monitorinqi və erkən xəbərdarlıq daxildir”, – elanda bildirilir.
İş elanı internetdə böyük səs-küyə səbəb olub. Bir çox istifadəçi bunu iddialı elm adamları üçün şans kimi görür, bəziləri hətta yazır: “Əgər uğur qazansan, dünyanı xilas edəcək bir qəhrəmansan”.
