Rəqəmlərin həyatımızda böyük yeri, əhəmiyyəti var. Hətta numerologiya ilə məşğul olanların fikrincə, rəqəmlər taleyimizə də müəyyən qədər təsir edə bilir. Bəs bu günün sehri nədir?
Dünyada numeroloqlarının məlumatına görə, iki rəqəminin enerjisi ortaqlıq, səbr, diplomatiya, balans, həssasiyyət və əməkdaşlıqla əlaqəlidir. Mütəxəssislər bildirir ki, 22 fevral fevral ayının son həftəsinə düşdüyü üçün insanlara geri dönüb baxmağa, keçən 20 gündə onlara təsir edən hansı hadisələrin olduğuna nəzər salmağa imkan verir.
Numerologiya başğlanğıclar və və yeni addımlar üçün 2 rəqəminin dəstəkləyici və ön planda olduğunu deyir.
Numerologiyada 111, 555, 999 və s. eyni şəkildə düzülən rəqəmlər Mələk sayları adlanır. 222 də bu rəqəmlərdən biridir. Adı ilə belə diqqəti çəkən iki rəqəmi həyata, ikili münasibətlərə, ortaqlıqlara diqqət çəkir. İki rəqəminin olduğu yerlərdə razılaşmalar, əməkdaşlıqlar, ortaq qərarlar və bunun faydalı nəticələrinin olacağı qeyd edilir.
Bu gün bəşəriyyət üçün önəmli hesab edilə bilər. Bu gün başlayan yeni sevgi münasibətləri və ya iş dəyişiklikləri sizin üçün uğurlu ola bilər. İki rəqəmi şəfqət və anlayışdır. Uzun zamandır, küsülü olduğunuz şəxslərlə empatiya qurmağınız və sülh mühitinin yenidən qurulması müşahdiə edilə bilər. Mələk sayı hesab edilən 222 dəyişim üçün önəmlidir. İnandığınız müddətcə cəsarət göstərsəniz, nəticənin heç də pis olmadığını görəcəksiniz. “Alınmaz” deyə daha başlamadan qərar verdiyiniz bir münasibət həyatınızın ən xoşbəxt anlarını sizə gətirə bilər. “Məni seçməzlər” dediyiniz bir iş görüşündə seçilən siz ola bilərsiniz. Rəqəmlərə və onların verdiyi hisslərə inanın.
Dünən yaşadığımız 22.02.2022 tarixi palindrom günlərdən hesab edilir. Palindrom tərs oxunanda belə eyni olan rəqəmlərə deyilir. Amerikalı alimlərinin araşdırmasına görə, XXI əsrin palindrom tarixlərinin siyahısında iki tarix sistemində tək olaraq palindrom gün 22.02.2022 tarixidir.
Bu, təkcə Azərbaycanda deyil, dünyanın müxtəlif ölkələrində xüsusi gücə malik olan gün kimi qəbul edilirdi. Hətta hamilə qadınlar uşaqlarının bu gündə dünyaya gəlməsi üçün qeysəriyyə əməliyyatlarına belə müraciət edirlər. Düzdür, rəqəmlərin də insan həyatına müəyyən qədər təsiri ola bilər. Çünki insanların doğulduğu tarixlə bağlı ştrix kodları olur. Bu kodları ancaq numeroloqlar hesablaya bilir. Ancaq bir reallıq da var. Həyatı yaşaya bilən üçün günün, ayın, ilin, ümumiyyətlə tarixin heç bir mənası yoxdur. İnsan istər ayın 5-də doğulsun, istər 15-də necə yetişdirilirsə, elə insan olur.
